~’,. دخيــلكـ جـ ـآأآمل الدمـ ـعه تـ ـرآأآ مهـ ـمآآ أكـ ـوون .. إنـ ـسآأآن..! .,’~
::
تريّث ياصدى صوتي وخفف نبرة الأحزان
تعلّم من نزيف الجرح كيف اصبر على همي
أنادي والسما غيمة تثور بداخلي بركان
ودفتر من قصيد الأمس على جال البحر مرمي
::
سكنتك بيت ياكبره وشكلّت بسماك ألوان
شربتك كاس بيديني وأثاري الكاس من سمي
::
دخيلك جامل الدمعه !! ترا مهما أكون إنسان
مشاعر قلب تحكيني وأزود حبرها دمي
::
كرهت البيت بغيابك ! كرهت الباب والجدران
ليامن شفت لك صورة تنسيني حنان أمي
::
أبرحل وأترك الماضي وأجدد حاضر العنوان
ابجمع من شتاتي قلب واسافر في بحر غمي
::
تصور لو نساني الكون وصرت بعالم الحرمان
أناديلك .. وأصوّت لك .. ولاحتى تلد يمي
::
أمانه لو جعلتني مسافر في سما النسيان
أمانه جاوب صوتي لجل مايحترق دمي
::
أبي لو ساعه من وقتك .أنا ماقلت أبيك أزمان
أبيك العاشق المغرم على قلبي ومهتمي
::
أبيك تعيشني قصة ! بطل خاين وأنا الخوان
أبي كل البشر تحكي وتتسابق على ذمي
::
على هونك ظلام الليل!! أشوف الليل ماقد حان
علامك تلوي ذراعي !! تبعثر فيني وتلمي
::
حرام تشوف دمعاتي وتنسى أني بقايا إنسان
أحاول اجمع شتاتي وعجزت اليوم في لمي
::
حبيبي لو تبيني أبعد وأعانق دفتر الكتمان
تعال أحضر عزا قلبي مادام الشوف منعمي
::
تصور مابقى فيني سوى باقي رمد بركان
ودفتر من قصيد الأمس على جال البحر مرمي
::
الجمعة 15 يوليو - 21:50 من طرف كرستيانو
