بنـآآأإأآأإت *_^‎

بسم الله الرحمن الرحيم

سسسسسسسسسلامن عليهم
اماا بعد ..

ماذا اكتب ؟ ماذا اقول ؟ اخشى الكلام ان يطول >> لايكثر بس

اخوووووووش في الموضوع ولا مااخووووووش

قبل مااخووووووش ابغى كل واحد منكم يقول

[سبحان الله وبحمده ,,سبحان الله العظيم ]

الحين نخوووش

* * *

يقولون التعبير يخوون ترى

خلوناا نتكلم اول شي عن اممممممم مدري
راح اجيب المواضيع ونتكلم عن موضوع موضوع

الدي جي - البويات - الصلاة - مكالمات الجوال - المسن - الملابس العاريه - العبايه

اول شيء نتكلم عن ...

الدي جي :
شيء اساسي عند البنات يعني قسم انا كثير يعزموني بس مااجي يبطون قسم
يعني من الساعه 8 لحد الساعه 2 الليل واحيانا الى الفجر ومن اغنيه لـ اغنيه يعني والله والله اذا جيت اسمع
اغنيه اسمع نص اغنيه وانا خاايفه وتجيني ام الركب ع قولتهم بس الشكوى لله
والبنت المعقده عندهم اللي ماتجي والبنت اللي حالتها الماديه مش ولابد هي اللي ماتسوي دي جي
واذا جيتي وانتي لابسه شي طويل اول بنطلون جينز كامل فـ انتي قرويه وماعندك سالفه
يعني اقل شي تلبسينه شورت ولاعادي لو تتفصخين تطلعين انتي البططله عندهم
قسسم بالله مررررض =( من جد شي يضيق الصدر
البنات مرا طايحين في الدي جي صار شيء اساسي عندهم وكل بنت يشوفونها يعزمونها من متى المعرفه
الله يهدينا وياكم

***
البويات :
هذا شي منتششر بكثره الحمد لله ع النعمه يعني لازم اذا الوحده قصت شعرهاا
مايناسب لها تنوره لازم جينزات والعباايه البششت ولازم يكون عندها خويه تصير هذي خويتها
كيوووووت وانواع المصصاله اللي انا اعرفهاا وعاد تعالي شوي اذا البويه شافت خويتها
........................ <<مشفر
بس انا ابي اسأل سؤال واحد البويه هذي وحركاتها اللي تقول ولد مو بنت
كيف تقابل ابوها واخوانها واخواتها في البيـــــــت كيييييييف ابي افهم تقعد تمثل دور الولد
والا تكون طبيعيه في البيت بنوته
فيها نوع من التخلف

* * *
الصلاة:

قسسسم ودي اصييييح
يعني ماتوصل للصلاااه يعني جد جد بكيفك سوي اللي تسوينه بس ماتصلين هذي كااارثه
والله اعرف بنات كثير مايصلوون يعني ماعندهاا وقت مسكينه ياحيااتي ، والا اللي ماشاء الله عليها
تصلي ، ماتصلي الفجر علشان ما تتأخر عن الجامعه او المدرسه لا اجل خلاص عذرناهاا
قسم لو الود ودي صنيتهم بـ اكبر جزمه شيء والله يقهـــــــــــــــــرر يعني مسويه اني ترى اصوم رمضان بس ماتصلي

اول شي الصلاة عمود الدين مثل ماقال الرسول صلى الله علي وسلم

[العهد الذي بيننا وبينهم الصلاة فمن تركها فقد كفر]

بنااات ربي يخليكم انتبهو لصلاتكم والله مافيه احد بيفيك مثل صلاتك
واذا كنتي متثاقلتها ادعي ربك دائما انه يجعل قرة عينك الصلاة وان شاء الله ربي بيستجيب دعائك

***
الملابس العاريه :
مرا البنات تفصخوا الا شوي
اول البنات كان الميدي(القصير) فوق الكعب

الحين صار فوق الركبه واذا جلست الوحده ماكانها لابسه شيء
والا اذا طلعت الصدر << مرا ترا شيء يقررررف
والظهر والبطن كيف ماتستحون من اخوانكم ابوكم عمانك خوالك
عيب عيب البنت في حيائها
انتبهي لنفسك ولاتضحكين على البنات اللي يلبسون طويل
هم احسن منك ماشاء الله
الله يهديكم ويثبتهم

***
العبايه :
من زمان والعبايه الوااان وتصاميم وموديلات
بس ماتوصل للهدرجه
حتى الوجه صار يطلع عادي
كثروا البنات اللي فاتشين انا ابي اسأل وين كانوا هم اول
كانو مثلا متغطين وفتشوا ؟؟
شيء غريب وفيه نووع او انواااااع من الغباء والتخلف
والله صارو البنات العاقلات ياخذون موديلات فساتينهم احيانا من هالعبايات
الحين طايحين البنات في الحراير والله ودي اسألها من وين قماش عبايتك عشان افصل تنوره
* * *

مكالمات الجوال :
مدري وش اقول قسسسم بالله
انا عند صديقاتي اكبر مطوعه ع وجهه الارض ليش علشاني مااكلم شباب بـ الجوال
يعني وش اسميه تخلف ولا مرض ولا ووششش
يعني تكلم مليون طعش الف وكل يوم تحب واحد كل يوم تحب واحد وتطلع معااه عادي
احبه يحبني ولا حظي يحبني الله من الثقه وش ذا الحب اللي من مكالمات جوال وطلعه معه
وهو لايعرف لا اصلك ولا فصلك والظاهر عائلتكم مايعرفهاا
وتجي تكششششششخ علشان يشوفها حلوه ، وهي قمله مقصوعه استغفرالله ياربي بس
يعني والى متى المهزله اللي قاعده تصيررر ؟
* السالفه انعادت كم مره من عرفنا هالمكالمات اولها مكالمه مافيها شيء بعدين بتطلع معه والباقي معرروف
وآخر شيء يرميها وهي الخسرانه في النهايه
بنات انتبهو لنفسكم لان في النهايه انتي الخسرانه وهو مايضره شيء
الرجال عيبه في جيبه
وانتي بتصيرين منبوذه من اهلك واقاربك حتى صاحباتك اللي كانو معاك تتوقعين بيجلسون معاك ؟؟ << افلقيني
بيخافون على سمعتهم واقعدي لحالك

***
المسن:
هذا الشي شي يجوووز عند البنات انها تكلم شباب عن طريق الماسنجر
يختي استحي ع وجهك وربي اعرف كثير يكلموون شباب عن طريق المسن وشي عاادي
يعني ننصحها تقول عادي مايعرف لا انا ولا شكلي وحتى اسمي اغيره مافي مشكله
اححلفي عااد خير ان ششاء الله >>عصبت
يعني ع شوي شوي بتقولين اسمك الحقيقي وبعدها عائلتك وبعدها وبعدها وبعدها
اانا ماراح اقول يهددك واشياءات بس ممكن تصير
يعني يجي مرره يطلب منك تحطين صوره لك عاد انتي خلاص حبيتيه من كل قلبك مشاء الله
تحطين صور اوب صوره وكل يوم صوره وعلى شوي شوي يطلب رقم جوالك
وترفضين ويقعد يسوي فيها ع راحتك حبيبتي ومصاله مالها سنع عاد انتي يضيق صدرك
يمكن زعل مني عاد ترسلين له ع جواله طبعاً يكون رقمه عندك من اول ماعرفك
وتقولين له بس يكون بينا رسايل الحمد لله ع النعمه
يعني رسايل امااانه اوب جاي يوم يكلمك فيه بلا دبااشه
قسسسسسسسم هـ الناس مريضين 100% 100% 100%

انا طولت عليكم في الكلام بس يله معليش الدنيا فوز وخساره >>تراها تنكت الحين

خلي اولوياتك :

-صلاتك
-برك لامك وابوك
-مسامحتك للناس
-مظهرك كبنوته

يــــــااارب انك تهديهم وتصلحهم وتبعد عنهم فتن الدنييا وتستر عليهم اللهم اميين
اذا اعجبكم الموضوع ادعو لنا في ظهر الغيب
اللهم اشفي مرضى المسلمين

ولا تنسوا والداي
اللهم ارحم موتاناو موتى المسلمين

***